Back اولاوس ماجنوس ARZ Olaus Magnus AST Олаф Магнус Byelorussian Olaus Magnus Catalan Olaus Magnus Czech Olaus Magnus Danish Olaus Magnus German Olaus Magnus English Olaus Magnus Spanish Olaus Magnus Estonian
Olaus Magnus (Here 1490 – 1 Eost 1557) a oa ur skrivagner svedat, kartennour ha beleg katolik.
Un diaraoger e voe war dachenn ar studiadennoù istorel war broioù hanternoz Europa. E oberenn anavezetañ eo Historia de gentibus septentrionalibus, embannet e 1555, e 22 levrenn, ma konte latin e-leizh a draoù war douaroniezh, hengounioù ha mojennoù pobloù Skandinavia.
Evel e vreur henañ Johannes Magnus e voe beleget Olaus, ha dont da vezañ chaloni en Uppsala ha Linköping, a-raok bezañ anvet da arc'hdiagon e Strängnäs. Gant an Disivoud protestant o c'hounit tachenn e Sveden e rankas kuitaat ar vro, gant e vreur Johannes Magnus a oa arc'heskob Uppsala. En em staliañ a rejont e Roma. Goude marv e vreur e 1544 e voe fiziet arc'heskopti Uppsala en Olaus, gant ar pab Paol III, met ne c'hallas biken mont di da sezañ evel arc'heskop ha tremen a reas ar peurrest eus e vuhez en ur manati e Roma.
Pa oa e Sveden en doa graet un droiad e proviñsoù hanternoz ar vro. Ur wech en Italia e savas ur gartenn gaer eus ar broioù-se, anvet Carta Marina ha skrivañ a reas ur mell Historia de gentibus septentrionalibus evit sachañ evezh pennoù ar Vatikan war e vro. Moullet e voe al levr gantañ e-unan e Roma, e 1555. Ennañ e oa ur bern engravadurioù kaer war doareoù ha boazioù broioù hanternoz Europa.